اسلام آباد26جولائي(اے پي پي) د اطلاعات او خپرونو وفاقي وزير چوهدري فواد حسېن وئيلي دي بايد د آزاد كشمير په ټاكنو كښې په بدتره ماتې خوړلو بلاول بهټو او مريم نواز د ګوند د عهدو څخه استعفٰی وركړي، كه دوي كوم سياسي شرم لري نو د ماتې ذمه واري دې قبوله كړي او استعفٰی ګانې دې وركړي، د درغلې د ژړاګانو په ځاے دې خپل ګرېوان ته سر ورښكته كړي ، د نواز شريف د پاكستان دښمن حمدالله محب سره په ملاقات او د مريم نواز د پاكستان مخالفې بيانيې په نتيجه كښې ن ليګ بدتره ماتې سره مخ شو، مريم نواز او بلاول د ټول انتخابي كمپائن په مهال د كنځلو او په قامي ادارو د نيوكو نه سوا نور هيڅ نه دي كړي، د كشمير اولس د دوي بيانيه رد كړې، د كال 2023م په ټاكنو كښې به د سندھ څخه هم پيپلز پارټي ختمه شي، د آزاد كشمير اولس په وزيراعظم عمران خان د بشپړ باور څرګندونه كړې، عمران خان د مقبوضه كشمير په اولس كښې ډېر مقبول دے، زمونږ زړونه د كشميريانو لپاره درزېږي، مونږ د كشميريانو د خوښې په ضد د كوم اقدام پلوي نه يو، د آزاد كشمير د صدر، وزيراعظم او سپيكر پرېكړه به وزيراعظم عمران خان كوي. ده دا خبرې د ګل په ورځ د كشمير او ګلګت بلتستان چارو وفاقي وزير علي امين ګنډا پور سره يو خبري كانفرنس ته د وېنا كولو په مهال وكړې. د اطلاعات او خپرونو وفاقي وزير د آزاد كشمير په ټاكنو كښې په ښكاره كاميابې د پاكستان تحريك انصاف كاركنانو او په ټاكنو كښې برخه اخستونكو كانديدانو له مباركي وركولو سره ووئيل علي امين ګنډا پور په كشمير كښې په منظم ډول كمپائن چلولے. د كشمير په ټاكنو كښې پاكستان تحريك انصاف لويه كاميابي ترلاسه كړې، د دې به ښه اثرات رامخې ته شي. ده ووئيل د دومره لويې كاميابې نه پس د درغلې بيانيه په خپل مرګ مري، دا كاميابي په هغه وخت ممكنه وي كله چې تاسو په خلقو كښې په رښتينې توګه مقبوليت لرې . ده ووئيل د 56 فيصد نه زيات پولنګ شوے كوم چې په انتخابي عمل د باور څرګندونه ده. ده ووئيل كشميري اولس د تحريك انصاف په كاميابولو د مقبوضه كشمير تحريك ته ځلا وربخښلې. وفاقي وزير ووئيل بايد ن ليګ او پي پي پي د بلاول بهټو او مريم نواز څخه استعفٰی ګانې واخلي، كه دوي كوم سياسي شرم لري نو د درغلې تورونو لګولو په ځاے دې خپله ماتې اومنيٍ او خپل ګرېوان ته دې سر ورښكته كړي. ده ووئيل پي پي پي او ن ليګ مهم سياسي ګوندونه دي، بايد په دوي كښې دننه نوي ليډر شپ ته د رامخې ته كېدو موقع وركړې شي. دا هېواد به په هغه صورت مخ په وړاندې ځي كله چې سياسي ګوندونه دا د انسټي ټيوشن په توګه مخ په وړاندے بوځي. ده ووئيل د انتخابي كمپائن په مهال د ن ليګ كېمپ څخه د هندوستان څخه د مرستې خبرې شوي كومه چې د شرم خبره ده. مريم نواز د پوځ او پاكستان په ضد د بيانيې په بنياد كمپائن چلولے او نن بدتره ماتې د هغې مقدر ګرځېدلې. ده ووئيل احسن اقبال د هندوستان څخه د مرستې غوښتلو په بيان يو سياسي يتيم ته نوټس جاري كړے خو بايد هغه نواز شريف ته هم د پاكستان دښمن او د هند پلوي كس سره په ملاقات نوټس جاري كړي. د يوې پوښتنې په ځواب كښې وفاقي وزير ووئيل د اګست د 5مې نېټې په اړه د پاكستان دريځ واضح دے. ده ووئيل د كشمير خلق د پاكستان په حقله هم دا ګڼي چې د دوي وجودونه كه جدا دي خو روح ئې يو دے، ځكه خو چې عمران خان كله خبره كوي نو د دې باور څرګندوي چې كشميريانو له به موقع وركوو چې دوي كوم خوا ته تلل غواړي۔ده ووئېل
بايد د آزاد كشمير په ټاكنو كښې په بدتره ماتې خوړلو بلاول او مريم استعفٰی وركړي، د نواز شريف د پاكستان دښمن حمدالله محب سره په ملاقات او د مريم نواز د پاكستان مخالفې بيانيې په نتيجه كښې ن ليګ ماتې سره مخ شو. د اطلاعات او خپرونو وفاقي وزير چوهدري فواد حسېن
مضمون کا ماخذ : پاکستان کی مشہور لاٹری
متعلقہ مضامین
