اسلام آباد 08 دسمبر (اے پي پي) داخله وزير شېخ رشيد احمد وئېلي دي چې د هېواد د بدنامۍ سبب جوړېدونكو په ضد به سخته كاروائي كولې شي٬ كه نواز شريف هېواد ته راستنېدل غواړي نو ھغه ته به په 24 ساعتونو كښې ټول مطلوبه دستاوېزات په كور وركولې شي، اي پاسپورټ پېل كوٶ، 191 هېوادونو ته د آن لائن پاسپورټ سهولت وركوٶ٬ پي ډي اېم دې د 23 په ځائ په 30 مارچ احتجاج وكړي۔ د دې خيالاتو څرګندونه ده د شورو په ورځ ډائريکټورېټ جنرل آف امېګرېشن اېنډ پاسپورټس كښې د بېلا بېلو نوې اقداماتو د پېل په موقع دستورې ته خپلې وېنا كښې وكړه۔ وفاقي وزير وئيلي زه هڅه كوم چې په سل ورځو كښې اي پاسپورټ په پاکستان كښې پېل كړې شي او د راتلونكي كال په پېل كښې د اي پاسپورټ سهولت ترلاسه شي، د شهريت منسوخ كولو او د اېمرجنسي سفري دستاوېزاتو آن لائن سهولت هم وركوٶ٬ د اي پاسپورټ پحقله خنډان لرې كړې شوې دي٬ د اېف آئي اے ډي جي ته امر شوې دې په هېواد كښې د مني لانډړنګ او د ډالر بحران پېدا كوٶنكو په ضد كاروائي وكړې شي٬ پاکستان كښې چې څوك د غريبانانو وينې څښي د ھغوي په ضد به كاروائي كولې شي، د هېواد د بدنامۍ سبب جوړېدونكو ته به لاس اچولې شي٬ د رانا شميم نامه په پي اېن آئي اېل كښې اچولې شوې ده او د ھغه نامه په اي سي اېل كښې د اچولو سفارش شوې دې، كومې لپاره چې به غونډه كېږي۔ ده ووئيل اولس ته په 24 ساعته كښې پاسپورټ ترلاسه كېږي۔ ده ووئيل پي ډي اېم دې د 23 په ځائ په 30 مارچ احتجاج وكړي ځكه چې په 23 مارچ تيارۍ او پرېډ په اړه به په جي ټي روډ نقل و حمل وي، زه نه غواړم چې په دې لړ كښې كمه ګيله پېدا شي٬ پي ډي اېم د كمپنۍ مشهورتيا لپاره د 4 مياشتو وخت وركړې، اپوزيشن په صحيح طريقه د تحريك چلولو انتخاب نشي كولې٬ دوي څخه حكومت هېڅ خطر نه لري۔ ده ووئيل ګرده نړۍ په افغانستان كښې د انساني بحران او هلته د لوږې د مسئلو نه خبر ده۔ ده ووئيل تر 14م دسمبر به زه د خپل وزارت٬ اېف آئي اے٬ نادرا ٬ پاسپورټ او نېكټا د كاركردګۍ رپورټ وړاندې كوي۔ ۔ د يوې پوښتنې په ځواب ده ووئيل په چمن او طورخم په ښه ډول تګ راتګ كېږي۔ د يوې پوښتنې په ځواب ده ووئيل كومو كسانو چې دوه دوه پاسپورټ او شناختي كارډ ساتلي دي ھغوي ته مهلت وركوٶ او د ھغې نه پس به ئې په ضد كاروائي كېږي۔ د يوې پوښتنې په ځواب ده ووئيل د رولز له مخې يو افسر په اېف آئي اے كښې په يوه چوكۍ د دريو كالو نه زيات نشي پاتې كېدې، اسلام آباد پوليس كښې به د بهرتو عمل ډېر زر پېل شي٬ دوه پوليس اهلكار به په مېرټ بهرتي كوٶ
د هېواد د بدنامۍ سبب جوړېدونكو په ضد به سخته كاروائي كولې شي۔ وفاقي وزير شېخ رشيد
مضمون کا ماخذ : estratégias para lotomania
متعلقہ مضامین
