اسلام آباد 22 فروري (اے پي پي) وزيراعظم محمد نواز شريف د شورو په ورځ د تركيې په درې ورځنې دوره لاړو۔ وزيراعظم به د پاكستان او تركيې د لوړې كچې د س??راتېژيكي مرستې كونسل ﴿ اېچ اېل اېس سي سي﴾ په پنځمه غونډه كښې ګډون كوي۔ وزيراعظم سره وړومبې مېرمن بېګم كلثوم نواز٬ د پېټروليم او قدرتي وسيلو وفاقي وزير شاهد خاقان عباسي٬ د تجارت وزير انجينئر خرم دستګير او د خارجه چارو خاص مرستيال طارق فاطمي هم په دوره كښې شامل دي۔ وزيراعظم به د خپلې دورې په مهال په سيمه ايزو او نړيوالو معاملو د تركيې مشرانو سره مشوره كوي۔ وزيراعظم محمد نواز شريف به د تركيې وزيراعظم بن علي يلدرم سره يو ځائ د زيارت په ورځ په انقره كښې د پاكستان او تركيې د س??راتېژيكي كونسل د پنځمې غونډې شريكه مشري كوي۔ دا كونسل په كال 2009م كښې جوړ كړے شوے و۔ د كونسل له مخې شپږ شريكې كاري ډلې كار كوي چې پكښې د تجارت٬ توان٬ بانك او فنانس٬ مواصلاتو٬ رېلوے٬ تعليم٬ كلتور او سېلګرې څانګې شاملې دي۔ د كونسل په دسمبر كال 2010م ٬ په مئي كال 2012م٬ په ستمبر كال 2013م او فرورې كال 2015م كښې څلور غونډې شوې دي۔ وروستې غونډه د فرورې په 17مه نېټه كال 2015م كښې په اسلام آباد كښې شوې وه۔ د كونسل د فرېم ورك له مخې د دواړو هېوادونو ترمېنځه د 50 نه زياتو لوظنامو او د تفاهم يادښتونو ته حتمي ??كل وركړے شوے۔ د كونسل د پنځمې غونډې په پاې كښې به يوه شريكه اعلاميه جاري كولې شي۔ په دې موقع د يو شمېر لوظنامو او د تفاهم د يادښتونو د لاسليك كېدو امكان هم دے۔ د دورې په مهال به وزيراعظم محمد نواز شريف د تركيې اولس مشر رجب طيب اردوان سره هم ملاقات كوي۔ وزيراعظم محمد نواز شريف به د جولائي په 15مه نېټه كال 2016م كښې په تركيه كښې د ناكام بغاوت په ضد د پاكستاني حكومت او اولس لخوا د يووالي او د ملاتړ د عزم څرګندونې لپاره د ترك پارلمان دوره هم كوي۔ د بغاوت په شپه د تركيې په پارلمان بمباري شوې وه۔ وزيراعظم محمد نواز شريف به په تركيه كښې د جمهوريت دفاع لپاره ځان قربانوونكو ته د پېرزوينه وړاندې كوي۔ د پاكستان او تركيې اړيكې د رياستونو ترمېنځه د اړيكو انفرادي حيثيت لري۔ دا د ورورولې اړيكې د شريكې عقيدې٬ تاريخ٬ كلتور او د ژ??و د اړيكو په بنياد دي۔ دواړه قومونه د كشمير او قبرص پشمول قومي مقاصدو لپاره يو بل سره مرستي كوي۔ د پاكستان او تركيې ترمېنځه دوه اړخيزه اړيكې په دې وروستيو كښې لا قوي شوې دي او دا اړيكې د اقتصادي اړيكو نه واخله تر دفاعي مرسته او تعليمي او كلتوري روابطو پراخا شوې۔ سږ كال د پاكستان او تركيې د سفارتي اړيكو 70مه كليزه هم لمانځل كېږي او په دې لړ كښې دواړه هېوادونه خاص پروګرامونه او دستورې كوي۔ د وزيراعظم د تركيې دورې سره به د دواړو هېوادونو اړيكې لا قوي شي
وزيراعظم محمد نواز شريف د تركيې په درې ورځنې دوره لاړو
مضمون کا ماخذ : ہیوگو 2
متعلقہ مضامین
