اسلام آباد 23 ستمبر (اے پي پي) د منصوبه بندۍ او پرمختګ وفاقي وزير احسن اقبال وئيلي دي د ګردې نړۍ زړه د پاكستان په حالاتو خوږېږي او عمران خان پاكستان كښې پرله پسې د نفرت سياست كوي، د عمران خان زړه پاكستانيانو لپاره نه نرمېږي۔ د دې خيالاتو څرګندونه ده د جمعې په ورځ خبري كفنرنس ته خپلې وېنا كښې وكړه۔ ده ووئيل هېواد د موسمياتي بدلون سره مخ دے، د حکومت پام د ځپليو كورنيو بحالۍ پلو دے ٬ خېبرپښتونخوا٬ بلوچستان٬ سندھ او سوئيلي پنجاب سره سره په كوهستان او ګلګلت بلتستان كښې په لويه كچه تباهي شوې٬ په لكهونو كسان بې كوره شوي او هر ځائ د سېلاب اوبه ولاړې دې٬ دوي ته رسېدل د حكومت او ټولنې ذمه واري ده ، ده ووئېل اېن جي اوز او شتمند كسان په ګډه ځپليو كورنيو ته مرسته رسوي۔ ده ووئيل د يو سياسي ګوند په بيانيه دا ځواب وركوم ٬ چې دې تباهۍ د ملګرو ملتونو پشمول ګرده نړۍ لړزولې ده٬ د عمران ټولګې په دې موقع هم اړے ګړے راجوړوي٬ كه ھغه مرسته نشي كولې نو غلے دې شي ۔ ده ووئيل عمران خان غواړي چې نړۍ د پاكستان مرسته ونه كړي٬ عمران خان د ريليف كارونه متنازعه كول غواړي، د نړيوال ماحول په خرابۍ كښې د پاكستان برخه ډېره كمه ده۔ احسن اقبال ووئيل شهباز شريف د نړيوالو مشرانو ضمير راويخوي٬ دا وخت د سياست نه د خدمت دے
د ګردې نړۍ زړه د پاكستان په حالاتو خوږېږي او عمران خان پاكستان كښې پرله پسې د نفرت سياست كوي۔ د وفاقي وزير احسن اقبال خبرې كنفرنس
مضمون کا ماخذ : مصر کی میراث
متعلقہ مضامین
