اسلام آباد۔7دسمبر (اے پی پی) وفاقی وزیر منصوبہ بندی ترقی تے اصلاحات وخصوصی اقدامات پروفیسر احسن اقبال نال چائنہ انرجی انٹرنیشنل گروپ دے جنرل منیجر وانگ ہو??ی ہو?? ملاقات کیتی۔ ملاقات اچ وفاقی وزیر کوں ݙسیا ڳئیا جو چائنہ انرجی انٹرنیشنل گروپ پاکستان اچ 12 ارب ڈالر مالیت دے 21 می??ا منصوبے پورے کر ڳھدن۔ وزارت منصوبہ بندی توں جا ری تفصیل موجب وفاقی وزیر کوں ݙسیا ڳئیا جو گروپ دے ݙو اہم ترین ہائیڈرو پاور منصوبے، جئیں دی مجموعی پیداواری صلاحیت 1570 می??اواٹ اے، اچ آزاد پتن ہائیڈرو پاور منصوبہ (700 می??اواٹ) اتے سکی کناری منصوبہ (870 می??اواٹ) شامل ہن۔ انہاں منصوبیاں تے مجموعی سرمایہ کاری 3.5 ارب ڈالر اے۔ وفاقی وزیر احسن اقبال آکھیا جو آزاد پتن ہائیڈرو پاور منصوبہ پاکستان دے پائیدار توانائی دے مستقبل کیتے ٻہوں اہمیت رکھیندے۔ اے منصوبہ ݙوپاسہ تعاون، علاقائی ترقی اتے پائیدار بنیادی ڈھانچے دے سانجھے وژن دی علامت اے۔ انہاں آزاد پتن ہائیڈرو پاور منصوبے دی کامیاب تکمیل اچ چائنہ انرجی گروپ دے غیر متزلزل عزم دی تعریف کیتی۔ 1990 دی دہائی توں پاکستان اچ ایں گروپ ترائے ݙہاکیاں توں ودھ عرصے نال پاکستان دی مارکیٹ تے خصوصی توجہ ݙتی اے۔ اے گروپ انجینئرنگ ڈیزائن، تعمیراتی عملدرآمد، اتے مختلف بنیادی ڈھانچے دے منصوبے جینویں ہائیڈرو پاور، تھرمل پاور، نیوکلیئر پاور، ٹرانسمیشن لائن، قابل تجدید توانائی، سڑک اتے شاہراہ، آبی تحفظ وغیرہ اچ خدمات ݙیندا پئے۔
چائنہ انرجی انٹرنیشنل گروپ پاکستان اچ 12 ارب ڈالر مالیت دے 21 میگا منصوبے پورے کر ڳھدن، احسن اقبال
مضمون کا ماخذ : apostas quina
متعلقہ مضامین
