اسلام آباد۔21مئی (اے پی پی) صدر ډاكټر عارف علوي وئيلي دي پاكستان او چين دواړه امن لپاره ولاړ دي ٬ دوئي نړۍ سوكالۍ پلو روانولو او سباؤن كښې په ا خلاقيات د اډانه لرونكو ادارو باوري كولو غوره موقعه لري۔ د جمعې په ورځ د چين پاكستان سفارتي اړيكو 70 مې سالګرې په مهال په ورچوئل استقبالیه كښې د خاص مېلمه په حېث خپل خطاب كښې صدر مملكت ووئيل د نړۍ په بېلو فورمونو نړيوالو چارو كښې د اخلاقيات په ځائې غلبه د ذاتي ګټې ده او هم دغه سبب دے چې نن د كشمير او فلسطين مظلوم اولس غږ چرته هم نشي اورېدلے ٬ تر دې چې كشميري او فلسطيني اولس سره كړي لوظونه د ذاتي ګټې د لاسه تر سره نه شول۔ صدر شريك سباؤن لپاره د پاك چين نزدې مرستې له د خپل عزم پخلي كولو سره ووئيل په نوي دور كښې د چين 1.3 اربه اولس 207 ملینه پاكستانيانو سره په ملګرتيا كولو نړۍ د امن او سوكالۍ په لار روانولې شي۔ هغه د مباركۍ په خط رالېږلو د چين صدر شي جن پنګ مننه وكړه او په مريخ لېنډنګ كولو ئې چين ته مباركي وركړه۔ صدر ډاكټر عارف علوي ووئيل دستوره كښې په ګډون كولو خوشحاله شوے يم۔ په دې موقعه د چين صدر شي جن پنګ پېغام د ډاډ وړ دے۔ هغه ووئيل 21 مئي 1951 هغه تاريخي موقعه وه كله چې د دواړو هېوادونو ترمينځه سفارتي اړيكې جوړې شوې۔ د دواړو هېوادونو ترمينځه ملګرتيا د فولادو نه زياته مضبوطه ده۔ دواړه هېوادونه د سباؤن په سوكالۍ او امن باور لري۔ هغه ووئيل چين د سائنس او ټېكنالوجي په شمول يو شمېر څانګو كښې پرمختګ كړے ۔ 800 ملینه وګړي ئې د بې وزلۍ نه ويستلي۔ مونږ هم د هېواد پرمختګ له د سائنس او ټېكنالوجي په څانګه كښې بهترۍ او هېواد څخه په ښكته كچه د بې وزلۍ ختمولو له هڅې كوؤ۔ صدر ووئيل چین سره د سائنس او ټېكنالوجي او تجارت په شمول په هره يوه څانګه كښې مرسته روانه ده۔ چين زمونږ لوي همكار او پاكستان كښې سرمايه كاري كوؤنكے هېواد دے۔ هغه ووئيل سي پېك مهمه منصوبه ده۔ د دې منصوبې ترسېوري لاندې پاكستان كښې د اقتصادي زونز په جوړولو او د سړكونو بيا رغونې او جوړولو په شمول په نورو منصوبو كار روان دے۔هغه ووئېل د سي پېك د لارې چين د پاكستان د لارې ګردې نړۍ سره تجارت ته وده وركولې شي۔ هغه ووئيل مونږ په ګډه هڅې كولو سره نړۍ د پرمختګ او سوكالۍ په لاره روانولې شوو۔ هغه ووئيل چين پاكستان سره د 17 صوبو او 14 ښارونو د لارې تړون لري۔ 30 زره پاكستاني زده كوؤنكي دا مهال چين كښې زده كړې ترلاسه كوي۔ په پاكستان كښې چار کنفیوشس انسټی ټیوټ کار كوي۔ هغه ووئيل چين د كورونا وبا په مهال د پاكستان بشپړه مرسته كړې۔ د چين ډاكټرانو پلاوې پاكستان ته راغلے۔ چین پاکستان ته د كورونا وېكسين وركړي
د صدر ډاكټر عارف علوي د چين پاكستان اړيكو 70 مې سالګرې په موقعه ورچوئل استقباليه كښې د خاص مېلمه په حېث خطاب
مضمون کا ماخذ : کمپیوٹر لاٹری
متعلقہ مضامین
