اسلام آباد 04 فروري (اے پي پي) سېنېټ د هند په غېر قانوني تسلط كښې د جمو و كشمير اولس سره د يوالي څړګندونې له قرارداد په يوه خله منظور كړے چې پكښې په دې خبره زور رواړلے شوے چې هند دې د پنځم اګست كال 2019 غېر قانوني او يو اړخيزه اقدام بېرته واخلي۔ د جمعې په ورځ د سېنېټ په غونډه كښې د حكومتي ډلې مشر سېنېټر ډاکټر شهزاد وسيم دا قرارداد وړاندې كړو او دوهم پارلماني وزير علي محمد خان قرارداد ايوان ته واورلو۔ په قرارداد كښې وئيلي شوي سېنېټ د پاكستاني اولس د جذباتو عكاسي كولو سره د كشمير يوالي ورځ په موقع د هند په غېر قانوني تسلط كښې د جمو و كشمير اولس او اتلانو ته سلام كوي۔ قرارداد كښې د هند د پنځم اګست كال 2019 د غېر قانوني او يو اړخيزه اقدام مسترد كولو مطالبه شوې چې د هند واكمن دې دا غېر قانوني او يو اړخيزه اقدامات بېرته واخلي كوم چې د مقبوضه كشمير پحقله د ملګرو ملتونو د قراردادونو سنګيهن خلاف ورزي ده۔ د پنځم اګست كال 2019 نه تر اوسه د سلګونو په شمېر بې ګناه كشمير شهيدان او نيولې شوي۔ قرارداد كښې خبردارے وركړے شوے چې هند د بدترينه رياستي ترهګرۍ باوجود د كشميريانو پېدائشي حق٬ د خپلواكۍ حق هلې ځلې نشي ختمولې٬ د آزادۍ دا هلې ځلې په كشميريانو كښې مقبول، په ځائي كچه او په لويه پېمانه دي۔ قرارداد كښې غوښتنه شوې چې د هند وزيراعظم مودي او د ھغه فاشسټ ګوند آر اېس اېس چا چې د هند په غېر قانوني تسلط جمو و كشمير كښې بې ګناه كشميريان په دهشت كښې ساتلي او په لويو ظلمونو كښې ككړ دي ٬ دوي دې د انسانيت په ضد په جرمونو د قانون سره مخ كړے شي۔ قرارداد كښې په هندي حكومت په مقبوضه كشمير كښې د جامه تلاشۍ او محاصرې د كاروائيو په مهال په جعلي مقابلو كښې د كشميري ځوانانو د ماورائے عدالت قتل په بندولو زور رواړلے شوے۔ قرارداد كښې په مقبوضه جمو و کشمير كښې د آبادۍ تناسب بدلولو لپاره د هندي واكمنو غېر قانوني اقدامات مسترد كړے شوي او د ټولو سياسي بنديوانو د راخوشې كولو ېې غوښتنه كړې۔ په قرارداد كښې وئيلي شوي نړيواله ورورولي دې د هند لخوا په كشميريانو د ظلمونو پشمول د نسل كشۍ د خطرو نوټس واخلي كوم چې اوس په نړيواله كچه په دستاويزي شکل كښې موجود دي۔ په قرارداد كښې دا هيله څرګنده شوې چې نړيواله ورورولي به د هند په غېر قانوني تسلط جمو و كشمير كښې په لويه پېمانه د بشري حقونو د سنګينو خلاف ورزو نوټس واخلي٬ په قرارداد كښې د پاكستان حكومت٬ پارلمان او اولس لخوا كشميري وروڼو خوېندو ته باور وركړے شوے چې مونږ د ملګرو ملتونو د اړوندو قراردادونو له مخې د كشميري اولس د خواهشاتو له مخې د كشمير شخړې تر حل د دوي سره د خپلواكۍ هلو ځلو كښې اوږه په اوږه ولاړ يو، دا ايوان كشميري اولس ته د دوي د خپلواكۍ حق له د بشپړه عزم پخلے كوي۔ د دې نه پس ايوان قرارداد په متفقه توګه منظور كړو۔ د سېنېټ چيئرمېن صادق سنجراني ووئيل د دې قرارداد كاپي به ملګرو ملتونو او پاكستان كښې غېر ملكي سفارت خانو ته لېږلې شي
سېنېټ د هند په غېر قانوني تسلط كښې د جمو و كشمير اولس سره د يوالي څړګندونې له قرارداد په يوه خله منظور كړے، د سېنېټ چيئرمېن د قرارداد كاپي ملګرو ملتونو او پاكستان كښې غېر ملكي سفارتخانو ته د لېږلو اعلان كړے
مضمون کا ماخذ : números quina hoje
متعلقہ مضامین
