اسلام آباد۔7اکتوبر (اے پی پی):وزیر اعظم دے قومی سلامتی دے مشیر ڈاکٹر معید یوسف آکھیے جو افغانستان ا??ن و خوشحالی دا مستحق اے، اینکوں ماضی وانڳوں کلھا چھوڑݨ دی غلطی ول نی کرݨی چاہیدی، پاکستان دی نویں افغان حکومت توں توقعات مغربی حکومتاں توں مختلف کائنی ، ھک ایجھی ریاست چاہندوں جیڑھی جو اجتماعیت تے مبنی ہووے ، سارے افغانوں دے حقوق دا احترام کرے اتے ایں ڳال کوں یقینی بݨاوے جو افغان سرزمین کہیں ملک دے خلاف دہشت گر??ی کیتے استعمال نہ تھیوے ، طالبان کئی واری دنیا دے نال مسلسل رابطے اچ آپݨی دلچسپی دا اظہار کیتے ، اے بین ا??اقوامی برادری کیتے ھک موقع اے ، پاکستان ا??غانستان کوں مثبت پاسے اڳوں ودھاوݨ اچ مدد کرسڳدے تاں جو ک??بل اچ نویں حکمراناں تے غیر معمولی اثر و رسوخ نی رکھیندا، طالبان کیتے مالی امداد اتے قانونی حیثیت ݙوہیں ہی دنیا دیاں وݙیاں طاقتاں تے منحصر ہن، افغانستان دے حوالے نال مربوط رابطے مشترکہ مقاصد دے حصول دے امکانات کوں ودھا ݙیسن ۔ معروف امریکی جریدے’’ فارن افیئرز ‘’ وچ چھپݨ آلے آپݨے مضمون اچ انہاں آکھیے جو امریکی صدر جو بائیڈن ا??غانستان اچ امریکی فوجی مشن کوں ختم کرݨ دا درست فیصلہ کیتا ۔ افغانستان دی سابق حکومت واضح طور تے اپݨا وجود برقرار رکھݨ توں قاصر ہئی ، ارباں ڈالر دی مزید مدد توں صرف ایندے ناگزیر خاتمے اچ تاخیر ہوندی۔ درحقیقت افغان معاشرے دی غیر ملکی قبضیں توں تاریخی نفرت دے پیش نظر جھیڑے دا فوجی حل کݙاہیں امریکا دے حق اچ نہ ہووݨا ہئی ۔ ایہاوجہ اے جو پاکستان مسئلہ دے اجتماعی سفارتی حل دی وکالت کریندا ہر ڳئے ۔ انہاں آکھیے جو اڄ افغانستان کوں ھک انتخاب دا سامݨا اے، اویا تاں امن دے اوکھے رستے تے چل سڳدے یا ول شہری بدامنی دے پاسے ونڄ سڳدے۔ ??ؤخ?? الذکر افغان عوام کیتے تباہ کن اثرات دا حامل ہوسی۔ غیر مستحکم افغانستان توں پناہ گزیناں ، منشیات ، ہتھیاراں اتے بین ا??اقوامی دہشت گر??ی دے کھنڈݨ توں نہ تاں افغان عوام اتے نہ ہی باقی دنیا بالخصوص پاکستان دا کوئی فیدہ اے، انہاں ݙو اچوں جیڑھا نتیجہ سامݨے آسی او بین ا??اقوامی برادری اتے افغانستان دی نویں سیاسی حقیقت دے درمیان تعلق تے منحصر ہوسی۔
افغانستان امن و خوشحالی دا مستحق اے، اینکوں ماضی وانڳوں کلھا چھوڑݨ دی غلطی ول نی کرݨی چاہیدی ،وزیر اعظم دے قومی سلامتی دے مشیر ڈاکٹر معید یوسف دا امریکی جریدے فارن افیئرزوچ مضمون
مضمون کا ماخذ : جنگل وائلڈ
متعلقہ مضامین
