اسلام آباد۔6اکتوبر(اے پی پی) داخله وزير شېخ رشيد احمد وئيلي دي د طورخم او چمن په شمول افغانستان سره په پېوستو نورو پولو به عصري بایومیټریک سېسټم او آنلاین ویزه پیل كولې شي٬ د زرګونو په شمېر كسان پاكستان ته راغلل او دلته بې دركه شول٬ هغوي بايد دې مهلت نه ګټه پورته كړي ګني په بل صورت كښې به سخته كارروائي كولې شي٬ د هېواد د سلامتيا په محافظ ادارو ټكونه كوؤنكي او د اقتدار وږو خلكو ته به هېڅ په لاس ورنشي٬ هغوي خپل زيان پخپله كوي٬ د نواز شريف سياست وروستۍ سلګۍ وهونكې په نظر راځي٬ كالعدم ټي ټي پي سره د مذاكراتو كوم خبر نشته ، د مفاهمت د لارې چارې حل كول غواړؤ۔ د دې خيالاتو څرګندونه هغه د شورؤ په ورځ د نېشنل اېكشن پلان جاج اخستو غونډې نه وروسته خبريالانو سره خبرو كښې وكړه۔ هغه ووئيل افغانستان لپاره د آنلائن وېزې اجراﺀ ډېر زر كولې شي ،د وزيراعظم په هدايت به د پرمټ او نورو معاملو حوالې سره اړوند شكايتونه په لس ورځې كښې لرې كوؤ٬ د آن لائن انټری او آن ارائیول وېزہ نظام به افغانستان سره په پېوستو ټولو پولو پېل كولے شي۔ د يوې پوښتنې په ځواب كښې هغه ووئيل پخواني وزيراعظم سيد يوسف رضا ګېلاني دې د خپلې نامې اي سي اېل نه د ويستلو خواست وړاندې كړي او يا دې عدالت ته رجوع وكړي٬ مونږ به د ده د كېس جاج واخلؤ۔ د مریم نواز لخوا په ملكي ادارو د ټكونو حوالې سره د يو پوښتنې په ځواب كښې وفاقي وزير ووئيل پاک پوځ او ادارې د هېواد د سلامتيا ضامن دي٬ په دوي ټكونه كوؤنكو او د اقتدار وږو ته به هېڅ په لاس ورنشي٬ دوئي خپله خپل زيان كوي۔ د يوې بلې پوښتنې په ځواب كښې هغه ووئيل وزيراعظم عمران خان د پنډورا پېپرز پلټنيو كولو هدايت كړے دے۔ د کالعدم ټی ټی پی سره د مذاكراتو په اړه د يوې پوښتنې په ځواب كښې داخله وزير ووئيل كه مذاكرات كېږي نو د هغې ماته علم نشته ٬ په ټي ټي پي كښې ري ګروپنګ روان دے ٬ درې څلور ډلې شامل شوي دي٬مونږ مفاهمت غواړؤ او د هر ډول صورتحال مقابله كولو له چمتو يؤ۔ د يوې پوښتنې په ځواب كښې هغه ووئيل په بشري بنيادونو د افغانستان مرسته كولو زمونږ فرض دي ، د هغوي تكليف زمونږ تكليف دے ولې د هغوي د تسليمولو پرېكړه به نړۍ سره په ګډه كوؤ۔ مونږ د نورستان او كنړ په شمول د هر يو ځائې خبر لرؤ٬ مونږ مفاهمت غواړؤ ولې د هېواد د سلامتيا به كومه سودا نه كوؤ۔ هغه وئيل په منطقه كښې 20 كاله پس لويې بدلون رامخے ته شوے دے ٬ دښمن زمونږ په پولو اړې ګړې ليدل غواړي۔ د يوې بلې پوښتنې په ځواب كښې هغه ووئيل د ډالرز په هولډنګ مو نظر ساتلے دے ، عام وګړي ته ريليف وركولو له وزيراعظم عمران خان زياتې ستړې كوي۔ هغه ووئيل د ضرورت څيزونه او داروګان به ارزان كړے شي
افغانستان سره په پېوستو پولو به عصري بایومیټریک سېسټم او آنلاین ویزه پیل كولې شي٬ د هېواد د سلامتيا په محافظ ادارو ټكونه كوؤنكي او د اقتدار وږو خلكو ته به هېڅ په لاس ورنشي۔ د داخله وزير شېخ رشيد احمد خبريالانو سره خبرې
مضمون کا ماخذ : raspadinha caixa
متعلقہ مضامین
