اسلام آباد 30 اګست (اے پي پي) د تركيه د ګرينډ نېشنل اسمبلۍ سپيكر پروفيسر ډاكتر مصطفٰی سيڼتوپ د قامي اسمبلۍ سپيكر راجه پروېز اشرف سره په ټېليفون خبرې كړې دي او په پاكستان كښې د سېلاب په نتيجه كښې په ځاني او مالي زيان ئې د افسوس څرګندونه كړې۔ د نهې په ورځ د قامي اسمبلۍ سېكرټرېټ لخوا جاري شوي بيان له مخې د قامي اسمبلۍ سپيكر راجه پروېز اشرف د تركيې خپل هم څنګ په پاكستان كښې د اوسنيو بارانونو او سېلاب له امله د شوي ځاني او مالي زيان څخه خبر كړو۔ ده ووئيل چې د جون 2022 نه پس په پاكستان كښې رېكارډ زيات بارانونه شوي۔ ده وئيل چې تباه كونكي بارانونو په لويه پیمانه تباهي خپره كړی٬د سېلاب او خاورو كمرو رالوېدو په وجه انساني ځاني٬معيشت٬څاروو٬املاك او بنيادي ډهانچې ته سخت زيان رسېدلے۔ د قامي اسمبلۍ سپيكر راجه پروېز اشرف د سېلاب ځپليو په وخت په مرسته كولو د تركيې خپل هم څنګ او د تركيې حكومت مننه وكړه۔ده ووئيل چې د تركيې پارليمنټ او اولس په هر سخت وخت كښې د پاكستان ملګرتيا كړې۔ د تركيې سپيكر پروفيسر مصطفٰی سينټوپ ووئېل چې د تركيه حكومت٬پارليمان او اولس د پاكستان حكومت او اولس سره د يووالي څرګندونه كوي٬پاكستان او تركيه يو وجود لري٬تركيه په هر سخت وخت كښې د ورور پاكستان هېواد هر ممكنه مرستې لپاره چمتو دے۔ د تركيې حكومت او اولس د قدرتي آفت په مهال غم جنو كورنيو سره د غمرازۍ څرګندونه كوي٬ د تركيې اولس زړه په پاكستان كښې د خپلو وروڼو او خوئېندو سره درزېږي۔ د قامي اسمبلۍ سپيكر راجه پروېز اشرف د تركيې خپل هم څنګ مننه وكړه۔ ده ووئيل چې پاكستان د خپل ورور هېواد د زړه نه قدر كوي
د قامي اسمبلۍ سپيكر راجه پروېز اشرف سره ډاكټر مصطفٰی سينټوپ په ټېليفون خبرې٬د سېلاب په نتيجه كښې په ځاني او مالي زيان د افسوس څرګندونه
مضمون کا ماخذ : فنکی پھل
متعلقہ مضامین
