اسلام آباد 24 اګست (اے پي پي)د منصوبه بندۍ٬پرمختګ او خاص اقداماتو وفاقي وزير پروفيسر احسن اقبال وئېلي دي حكومت سېلاب ځپليو سره ولاړ دے٬ده اړوندو چارواكو ته هدايت كړے چې د رېليف كارونه لا ګړندې كړي٬وفاقي وزير دا هدايات په هېواد او په خاص توګه په بلوچستان كښې د سېلاب صورتحال نګرانۍ لپاره د يوې بېړنۍ غونډې مشرۍ كولو په مهال جاري كړي۔په غونډه كښې د اېن ډي اېم اے چيئرمېن٬د اېن اېچ اے چيئرمېن٬د بلوچستان څخه د قامي اسمبلۍ غړو او د صوبائي ډيزاسټر منيجمنټ ادارو مشرانو ګډون كولو۔د غونډې په مهال وفاقي وزير ته په هېواد او په خاص توګه بلوچستان كښې د سېلاب صورتحال په اړه تفصيلي بريفنګ وركړے شو۔وفاقي وزير اېن اېچ اے ته هدايت وكړو چې د سېلاب له امله د ځپليو شوو لويو لارو بحالي باوري كړي چې دغسې د د مرستې په چارو كښې خنډ راپېدا نه شي۔وفاقي وزير سپاركو ته هم هدايت وكړو چې په سندھ كښې د سېلاب صورتحال جاج اخستو لپاره فضائي معائنه هم وكړي۔وفاقي وزير اړوندو چارواكو ته ووئېل د بي آئي اېس پي د لارې دې ځپليو سره نغده مرسته باوري كړی شي۔وفاقي وزير ووئيل پاكستان يو غېر معمولي آفت سره مخ دے او سره د محدودو وسيلو حكومت د ځپليو مرستې او بحالۍ لپاره هر ډول ممكن هڅې كوي۔وفاقي وزير اړوندو چارواكو ته د كال سنټر جوړولو هدايت هم وكړو۔د دې نه پس وفاقي وزير بلوچستان سره تعلق لرونكو د قامي اسمبلۍ غړو سره جلا د يوې بېړنۍ غونډې مشري وكړه۔وفاقي وزير ووئيل حكومت په دې سخت وخت كښې د بلوچستان اولس سره ولاړ دے او وزيراعظم شهباز شريف په دې اړه پرله پسې خبرولے شي
د وفاقي وزير احسن اقبال په مشرۍ كښې د سېلاب صورتحال نګرانۍ لپاره غونډه
مضمون کا ماخذ : لیپریچون کی خوش قسمتی۔
متعلقہ مضامین
